سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”اللہ عزوجل فرماتا ہے: ’اے ابن آدم! جب تک تو مجھے پکارتا رہے گا اور مجھ سے امید رکھے گا، میں تیرے گناہوں کے باوجود جو کچھ تجھ میں ہے تجھے بخش دوں گا۔ اور اگر تو زمین بھر خطائیں لے کر میرے پاس آئے تو میں زمین بھر مغفرت کے ساتھ تجھ سے ملوں گا، بشرطیکہ تو نے میرے ساتھ کسی کو شریک نہ ٹھہرایا ہو۔ اور اگر تیرے گناہ آسمان کے کناروں (بادلوں) تک پہنچ جائیں، پھر تو مجھ سے بخشش مانگے تو میں تجھے بخش دوں گا۔‘“
امام طبرانی رحمہ اللہ فرماتے ہیں: ”اس حدیث کو حبیب بن ابی ثابت سے قیس بن ربیع کے سوا کسی نے روایت نہیں کیا، اس کو روایت کرنے میں ابراہیم بن اسحاق صینی منفرد ہیں۔“ [المعجم الأوسط/باب الميم/حدیث: 5483]