سیدنا علی رضی اللہ عنہ سے روایت ہے کہ جب (ابو طالب) فوت ہوئے تو میں رسول اللہ صلی اللہ علیہ وسلم کی خدمت میں حاضر ہوا اور عرض کیا: ”آپ کے گمراہ چچا فوت ہو گئے ہیں۔“ آپ صلی اللہ علیہ وسلم نے فرمایا: ”جاؤ، انہیں دفن کر دو۔“ میں نے عرض کیا: ”میں انہیں دفن کروں، حالانکہ وہ گمراہ اور کافر تھے؟“ تو آپ صلی اللہ علیہ وسلم نے فرمایا: ”جاؤ، اپنے باپ کو دفن کر دو، اور میرے پاس لوٹ کر آنے تک کوئی نیا کام نہ کرنا۔“ چنانچہ میں گیا اور انہیں دفن کر دیا، پھر میں نبی کریم صلی اللہ علیہ وسلم کے پاس آیا تو میں گرد آلود تھا، آپ صلی اللہ علیہ وسلم نے فرمایا: ”جاؤ، غسل کر لو۔“ پھر (غسل کے بعد) میں آپ صلی اللہ علیہ وسلم کے پاس آیا تو آپ صلی اللہ علیہ وسلم نے میرے لیے ایسی دعائیں فرمائیں کہ مجھے یہ پسند نہیں کہ ان کے بدلے میرے پاس فلاں فلاں چیز (دنیا کی نعمتیں) ہوں۔
امام طبرانی رحمہ اللہ فرماتے ہیں: ”اس حدیث کو فرات قزاز سے ان کے بیٹے حسن کے سوا کسی نے روایت نہیں کیا، اور حسن سے ان کے بیٹے زیاد کے سوا کسی نے روایت نہیں کیا۔“ [المعجم الأوسط/باب الميم/حدیث: 5490]