سیدنا ابو سعید خدری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”قیامت اس وقت تک قائم نہیں ہوگی جب تک تم میں ہرج کی کثرت نہ ہو جائے“ آپ صلی اللہ علیہ وسلم نے یہ بات تین بار فرمائی۔ صحابہ کرام رضی اللہ عنہم نے عرض کیا: ”ہرج کیا ہے؟“ آپ صلی اللہ علیہ وسلم نے فرمایا: ”قتل و خونریزی۔“
امام طبرانی رحمہ اللہ فرماتے ہیں: ”اس حدیث کو عمرو بن عطیہ سے احمد بن طارق وابشی کے سوا کسی نے روایت نہیں کیا۔“ [المعجم الأوسط/باب الميم/حدیث: 5511]