ام المومنین سیدہ عائشہ رضی اللہ عنہا بیان کرتی ہیں: ”میری پرورش میں انصار کی ایک بچی تھی، میں نے اس کی شادی کر دی، تو رسول اللہ صلی اللہ علیہ وسلم اس کی شادی کے دن میرے پاس تشریف لائے اور فرمایا: ”اے عائشہ! کیا تم لوگوں نے اس (دلہن) کے لیے گیت نہیں گوائے؟ کیا تم اس کے لیے گیت نہیں گاتے؟ کیونکہ انصار کا یہ قبیلہ گیت کو پسند کرتا ہے۔““
امام طبرانی رحمہ اللہ فرماتے ہیں: ”یہ حدیث سہل بن ابی حثمہ کے واسطے سے سیدہ عائشہ رضی اللہ عنہا سے صرف محمد بن اسحاق کی روایت سے مروی ہے، اور اس میں یونس بن بکیر منفرد ہیں۔“
دار الحرمین کے مطبوعہ نسخے میں اسی طرح ہے، اور غالباً صحیح (اسحاق بن سہل) ہے۔ [المعجم الأوسط/باب الميم/حدیث: 5527]