حنش بن معتمر رحمہ اللہ بیان کرتے ہیں: ”میں نے سیدنا ابوذر رضی اللہ عنہ کو دیکھا کہ وہ کعبہ کے حلقے (کنڈے) کو پکڑے ہوئے کہہ رہے تھے: ’میں ابوذر غفاری ہوں، جو مجھے نہیں جانتا وہ جان لے کہ میں جندب غفاری ہوں، میں نے رسول اللہ صلی اللہ علیہ وسلم کو فرماتے سنا: ”میرے اہلِ بیت کی مثال نوح علیہ السلام کی کشتی جیسی ہے، جو اس میں سوار ہوا وہ نجات پا گیا اور جو اس سے پیچھے رہ گیا وہ غرق ہو گیا۔“‘“ [المعجم الأوسط/باب الميم/حدیث: 5536]