سیدنا ابو الجعد ضمری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”(عبادت کی نیت سے) سفر کا سامان صرف تین مسجدوں کی طرف باندھا جائے: میری مسجد، مسجدِ حرام اور مسجدِ اقصیٰ۔“
امام طبرانی رحمہ اللہ فرماتے ہیں: ”اس حدیث کو محمد بن عمرو رحمہ اللہ سے روایت کرنے میں عبثر رحمہ اللہ منفرد ہیں، اور ان سے روایت کرنے میں سعید بن عمرو رحمہ اللہ منفرد ہیں، نیز عبیدہ بن سفیان رحمہ اللہ سے یہ روایت صرف اسی سند سے مروی ہے۔“ [المعجم الأوسط/باب الميم/حدیث: 5576]