سیدنا ابو ہریرہ رضی اللہ عنہ سے روایت ہے کہ انہوں نے رسول اللہ صلی اللہ علیہ وسلم کو فرماتے ہوئے سنا: ”عہد شکن کے لیے (قیامت کے دن) ایک جھنڈا گاڑا جائے گا، پھر کہا جائے گا: یہ فلاں فلاں معاملے میں (عہد شکن) تھا اور اس نے اس میں یہ یہ کیا۔“
امام طبرانی رحمہ اللہ فرماتے ہیں: ”یہ حدیث عطیہ کے واسطے سے سیدنا ابو ہریرہ رضی اللہ عنہ سے صرف عمرو بن عطیہ نے روایت کی ہے، اس میں عبداللہ بن یحییٰ منفرد ہیں، جبکہ لوگوں نے اسے عطیہ کے واسطے سے سیدنا ابو سعید خدری رضی اللہ عنہ سے روایت کیا ہے۔“ [المعجم الأوسط/باب الميم/حدیث: 5630]