سیدنا ابو سعید خدری رضی اللہ عنہ بیان کرتے ہیں کہ رسول اللہ صلی اللہ علیہ وسلم رات کی نماز دو دو رکعت کر کے پڑھا کرتے تھے، پھر جب صبح قریب آ جاتی تو ایک رکعت کے ساتھ وتر ادا فرما لیتے، اور فرمایا: ”بے شک اللہ تعالیٰ ایک ہے اور ایک کو پسند فرماتا ہے۔“
امام طبرانی رحمہ اللہ فرماتے ہیں: ”اس حدیث کو عطیہ سے، انہوں نے ابو سعید رضی اللہ عنہ سے صرف وصافی نے روایت کیا ہے، اور ابو سعید رضی اللہ عنہ سے یہ صرف اسی سند سے مروی ہے، جبکہ اعمش، مسعر اور دیگر نے اسے سیدنا ابن عمر رضی اللہ عنہما سے روایت کیا ہے۔“ [المعجم الأوسط/باب الميم/حدیث: 5636]