سیدنا عبادہ بن صامت رضی اللہ عنہ سے روایت ہے کہ نبی صلی اللہ علیہ وسلم مالِ غنیمت میں سے اونٹ کے پہلو سے ایک بال لیتے اور فرماتے: ”اس مال میں میرا حصہ بھی تم میں سے کسی ایک کے حصے کے برابر ہی ہے۔ خیانت سے بچو، کیونکہ مالِ غنیمت میں خیانت کرنا قیامت کے دن خیانت کرنے والے کے لیے رسوائی کا باعث ہوگا۔ لہٰذا سوئی اور دھاگا بلکہ اس سے بھی بڑھ کر جو کچھ ہو، سب (امیرِ لشکر کے پاس) جمع کرا دو۔ اور اللہ کی راہ میں قریب اور دور والوں سے جہاد کرو، حضر میں بھی اور سفر میں بھی، کیونکہ جہاد جنت کے دروازوں میں سے ایک دروازہ ہے، جو اپنے کرنے والے کو فکر اور غم سے نجات دلاتا ہے۔“
امام طبرانی رحمہ اللہ فرماتے ہیں: ”اس حدیث کو ربیعہ بن ناجد سے ابو صادق کے سوا کسی نے روایت نہیں کیا، اور ابو صادق سے قاسم بن ولید کے سوا کسی نے روایت نہیں کیا، اسے بیان کرنے میں عبیدہ بن اسود منفرد ہیں۔“ [المعجم الأوسط/باب الميم/حدیث: 5660]