سیدنا عبداللہ بن شخیر رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”ابن آدم کی مثال ایسی ہے کہ اس کے پہلو میں ننانوے موتیں (آفتیں) ہیں، اگر وہ سب اس سے چوک جائیں تو وہ بڑھاپے میں جا پڑتا ہے یہاں تک کہ مر جاتا ہے۔“
امام طبرانی رحمہ اللہ فرماتے ہیں: ”اس حدیث کو قتادہ رحمہ اللہ سے عمران قطان اور حجاج بن حجاج کے سوا کسی نے روایت نہیں کیا۔ عمران سے روایت کرنے میں ابو قتیبہ منفرد ہیں، اور حجاج سے روایت کرنے میں ابراہیم بن طہمان منفرد ہیں، اور یہ حدیث رسول اللہ صلی اللہ علیہ وسلم سے صرف اسی سند سے مروی ہے۔“ [المعجم الأوسط/باب الميم/حدیث: 5666]