سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے ارشاد فرمایا: ”میرے سامنے وہ تمام فتوحات پیش کی گئیں جو میرے بعد میری امت کے لیے ہوں گی، تو اس بات نے مجھے مسرور کر دیا، چنانچہ اللہ تعالیٰ نے یہ آیت نازل فرمائی: ﴿وَلَلآخِرَةُ خَيْرٌ لَكَ مِنَ الأُولَى﴾ سے لے کر اللہ تعالیٰ کے اس فرمان ﴿فَتَرْضَى﴾ تک۔“ (چنانچہ) اللہ تعالیٰ نے آپ صلی اللہ علیہ وسلم کو جنت میں موتیوں کے ایک ہزار محلات عطا فرمائے جن کی مٹی مشک ہے، اور ہر محل میں وہ تمام نعمتیں اور سامانِ راحت موجود ہے جو اس کے شایانِ شان ہے۔ [المعجم الأوسط/باب الألف/حدیث: 572]