سیدنا انس رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ”جب تم فیصلہ کرو تو انصاف کرو، اور جب (قصاص یا کسی شرعی سبب سے) قتل کرو تو اچھے طریقے سے کرو، کیونکہ اللہ عزوجل احسان فرمانے والا ہے اور احسان کو پسند کرتا ہے۔“
امام طبرانی رحمہ اللہ فرماتے ہیں: ”ان دونوں حدیثوں کو قتادہ سے عمران قطان کے سوا کسی نے روایت نہیں کیا، اور ان میں محمد بن بلال منفرد ہیں۔“ [المعجم الأوسط/باب الميم/حدیث: 5735]