سیدنا عباس بن عبدالمطلب رضی اللہ عنہ سے روایت ہے کہ انہوں نے فرمایا: رسول اللہ صلی اللہ علیہ وسلم نے مدینہ کی طرف دیکھا اور فرمایا: ”اللہ تعالیٰ نے اس شہر کے رہنے والوں کو پاک کر دیا ہے، جب تک کہ ستارے انہیں گمراہ نہ کر دیں۔“
یونس رحمہ اللہ سے، انہوں نے حسن رحمہ اللہ سے اور انہوں نے قیس بن عباد رحمہ اللہ سے اس حدیث کو صرف قیس بن ربیع رحمہ اللہ نے روایت کیا ہے، اور ان سے (روایت کرنے میں) ابو بلال رحمہ اللہ منفرد ہیں۔ نیز اسے موسیٰ بن داود الضبی رحمہ اللہ اور حسن بن عطیہ رحمہ اللہ نے قیس رحمہ اللہ سے، انہوں نے یونس رحمہ اللہ سے، انہوں نے حسن رحمہ اللہ سے، انہوں نے احنف بن قیس رحمہ اللہ سے اور انہوں نے سیدنا عباس رضی اللہ عنہ کے واسطے سے نبی کریم صلی اللہ علیہ وسلم سے اسی کی مانند روایت کیا ہے۔ [المعجم الأوسط/باب الألف/حدیث: 576]