سیدنا جابر رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”مومن الفت رکھتا ہے اور اس سے الفت رکھی جاتی ہے، اور اس شخص میں کوئی خیر نہیں جو نہ خود الفت رکھے اور نہ اس سے الفت رکھی جائے، اور لوگوں میں سب سے بہتر وہ ہے جو لوگوں کے لیے سب سے زیادہ نفع بخش ہو۔“
امام طبرانی رحمہ اللہ فرماتے ہیں: ”اس حدیث کو ابن جریج سے عبدالملک بن ابی کریمہ کے سوا کسی نے روایت نہیں کیا، اور علی بن بہرام اس کی روایت میں منفرد ہیں۔“ [المعجم الأوسط/باب الميم/حدیث: 5787]