سیدنا عبداللہ بن عباس رضی اللہ عنہما سے روایت ہے کہ رسول اللہ صلی اللہ علیہ وسلم نے فرمایا: ”بے شک اسلام اجنبی حالت میں شروع ہوا اور عنقریب پھر اجنبی ہو جائے گا، پس اجنبیوں کے لیے خوشخبری ہے۔ اور قیامت سے پہلے اندھیری رات کے ٹکڑوں کی طرح فتنے ہوں گے، ان میں آدمی شام کو مومن ہوگا تو صبح کافر ہو جائے گا، اور صبح کو مومن ہوگا تو شام کو کافر ہو جائے گا، کچھ لوگ اپنا دین دنیا کے تھوڑے سے سامان کے بدلے بیچ ڈالیں گے۔“
امام طبرانی رحمہ اللہ فرماتے ہیں: ”اس حدیث کو لیث سے جریر کے سوا کسی نے روایت نہیں کیا، اور صالح بن عبداللہ ترمذی اس میں منفرد ہیں، اور سیدنا ابن عباس رضی اللہ عنہما سے یہ حدیث صرف اسی سند سے مروی ہے۔“ [المعجم الأوسط/باب الميم/حدیث: 5806]