سیدنا ابن عمر رضی اللہ عنہما سے روایت ہے کہ وہ جب حجرِ اسود کو چھونے (استلام) کا ارادہ کرتے تو یہ کہتے: «اللَّهُمَّ إِيمَانًا بِكَ وَتَصْدِيقًا بِكِتَابِكَ وَسُنَّةِ نَبِيِّكَ صَلَّى اللهُ عَلَيْهِ وَسَلَّمَ» ”اے اللہ! (یہ عمل) تجھ پر ایمان رکھتے ہوئے، تیری کتاب کی تصدیق کرتے ہوئے اور تیرے نبی صلی اللہ علیہ وسلم کی سنت کی پیروی میں ہے۔“ پھر اسے چھوتے۔
امام طبرانی رحمہ اللہ فرماتے ہیں: ”اس حدیث کو نافع سے محمد بن مہاجر کے سوا کسی نے روایت نہیں کیا، اور اس میں عون بن سلام منفرد ہیں۔“ [المعجم الأوسط/باب الميم/حدیث: 5843]