نعیم بن دجاجہ رحمہ اللہ بیان کرتے ہیں کہ سیدنا علی رضی اللہ عنہ نے سیدنا ابو مسعود رضی اللہ عنہ سے کہا: ”کیا آپ ہی یہ کہتے ہیں کہ لوگوں پر سو سال ایسے نہیں گزریں گے کہ روئے زمین پر کوئی جان دار (آنکھ) چلتی پھرتی ہو؟ بات دراصل یوں ہے کہ“ (رسول اللہ صلی اللہ علیہ وسلم نے) فرمایا تھا: ”لوگوں پر سو سال ایسے نہیں گزریں گے کہ ان میں آج کے زندہ لوگوں میں سے کوئی (آنکھ) چلتی پھرتی ہو، اور اس امت کی کشادگی اور خوش حالی سو سال کے بعد ہے۔“
امام طبرانی رحمہ اللہ فرماتے ہیں: ”فضیل بن عیاض سے اس حدیث کو احمد بن یونس کے سوا کسی نے روایت نہیں کیا۔“ [المعجم الأوسط/باب الميم/حدیث: 5859]