سیدنا ابوذر رضی اللہ عنہ بیان کرتے ہیں: ”میں مسجد میں نبی کریم صلی اللہ علیہ وسلم کے ساتھ تھا، تو آپ صلی اللہ علیہ وسلم نے فرمایا: ”دیکھو، تمہاری نظر میں کون سا آدمی سب سے بلند مرتبہ لگتا ہے؟“ میں نے نظر دوڑائی تو ایک آدمی نظر آیا جس پر قیمتی جوڑا تھا اور اس کے گرد لوگ جمع تھے، میں نے عرض کیا: ”یہ۔“ آپ صلی اللہ علیہ وسلم نے فرمایا: ”اب دیکھو، تمہاری نظر میں کون سا آدمی سب سے کم مرتبہ لگتا ہے؟“ میں نے دیکھا تو ایک آدمی نظر آیا جس پر ایک موٹی چادر تھی، میں نے عرض کیا: ”یہ۔“ آپ صلی اللہ علیہ وسلم نے فرمایا: ”یہ شخص قیامت کے دن اللہ کے نزدیک اس جیسے زمین بھر کے لوگوں سے بہتر ہوگا۔“
امام طبرانی رحمہ اللہ فرماتے ہیں: ”اس حدیث کو فضیل بن عیاض رحمہ اللہ سے احمد بن یونس رحمہ اللہ کے سوا کسی نے روایت نہیں کیا۔“ [المعجم الأوسط/باب الميم/حدیث: 5862]