عون بن عبداللہ بن عتبہ رحمہ اللہ اپنے والد عبداللہ بن عتبہ رحمہ اللہ سے روایت کرتے ہیں کہ انہوں نے کہا: جب (سیدنا عتبہ) بن مسعود رضی اللہ عنہ کی وفات ہوئی تو سیدنا عبداللہ بن مسعود رضی اللہ عنہ ان پر روئے۔ لوگوں نے ان سے کہا: ”آپ رو رہے ہیں؟“ تو انہوں نے فرمایا: ”ہاں، وہ نسب میں میرے بھائی تھے، رسول اللہ صلی اللہ علیہ وسلم کی صحبت میں میرے ساتھی تھے اور مجھے سب لوگوں سے زیادہ محبوب تھے، سوائے عمر بن خطاب رضی اللہ عنہ کے۔“
امام طبرانی رحمہ اللہ فرماتے ہیں: ”اس حدیث کو عون بن عبداللہ سے ابو العمیس کے سوا کسی نے روایت نہیں کیا۔“ [المعجم الأوسط/باب الميم/حدیث: 5873]