سیدنا عبد اللہ بن مسعود رضی اللہ عنہ بیان کرتے ہیں: ”میں رسول اللہ صلی اللہ علیہ وسلم کے پاس سے گزرا جبکہ آپ صلی اللہ علیہ وسلم نماز پڑھ رہے تھے، میں نے آپ صلی اللہ علیہ وسلم کو سلام کیا تو آپ صلی اللہ علیہ وسلم نے مجھے اشارے سے جواب دیا۔“
امام طبرانی رحمہ اللہ فرماتے ہیں: ”یہ حدیث ابو ہریرہ رضی اللہ عنہ سے، انہوں نے ابن مسعود رضی اللہ عنہ سے، صرف محمد بن سیرین نے روایت کی ہے، اور ابن سیرین سے صرف ہشام نے، اور ہشام سے صرف ابن رجاء نے روایت کی ہے، اس میں ابو یعلیٰ توزی منفرد ہیں۔“ [المعجم الأوسط/باب الميم/حدیث: 5918]