سیدنا عبداللہ بن عمر رضی اللہ عنہما بیان کرتے ہیں: ”مکہ میں دو اپاہج (معذور) تھے، ان کا ایک جوان بیٹا تھا۔ وہ صبح ہوتے ہی انہیں اٹھا کر مسجد لے آتا اور ان کے ذریعے سے سارا دن کماتا رہتا، پھر جب شام ہوتی تو انہیں اٹھا کر واپس لے جاتا۔ ایک دن رسول اللہ صلی اللہ علیہ وسلم نے اسے نہ پایا تو اس کے بارے میں پوچھا۔ لوگوں نے بتایا: ”ان دونوں کا بیٹا فوت ہو گیا ہے۔“ تو رسول اللہ صلی اللہ علیہ وسلم نے فرمایا: ”اگر کسی کو کسی کی خاطر (موت سے) چھوڑ دیا جاتا تو دو اپاہجوں کے بیٹے کو چھوڑ دیا جاتا۔““
امام طبرانی رحمہ اللہ فرماتے ہیں: ”ان دونوں حدیثوں کو عبداللہ بن دینار سے صرف عبداللہ بن جعفر نے روایت کیا ہے، اور ان کے روایت کرنے میں ابو کامل جحدری منفرد ہیں۔“ [المعجم الأوسط/باب الميم/حدیث: 5967]