سیدنا ابو موسیٰ اشعری رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”اگر ایک آدمی کی جھولی میں درہم ہوں اور وہ انہیں (راہِ خدا میں) تقسیم کر رہا ہو، اور دوسرا آدمی اللہ کا ذکر کر رہا ہو، تو اللہ کا ذکر کرنے والا افضل ہے۔“
امام طبرانی رحمہ اللہ فرماتے ہیں: ”یہ حدیث سیدنا ابو موسیٰ رضی اللہ عنہ سے اسی سند کے ساتھ ہی مروی ہے، اس میں عمر بن موسیٰ منفرد ہیں۔“ [المعجم الأوسط/باب الميم/حدیث: 5969]