سیدنا ابومسعود بدری رضی اللہ عنہ سے روایت ہے کہ نبی کریم صلی اللہ علیہ وسلم نے فرمایا: ”کیا تم میں سے کوئی ایک رات میں قرآن کا تہائی حصہ پڑھنے سے عاجز ہے؟“ صحابہ کرام رضی اللہ عنہم نے عرض کیا: ”اے اللہ کے رسول! کیا کوئی قرآن کا تہائی حصہ (ایک رات میں) پڑھ سکتا ہے؟“ آپ صلی اللہ علیہ وسلم نے فرمایا: ”کیا تم میں سے کوئی اس بات سے عاجز ہے کہ وہ ﴿قُلْ هُوَ اللَّهُ أَحَدٌ﴾ پڑھ لے؟“
امام طبرانی رحمہ اللہ فرماتے ہیں: ”اس حدیث کو محمد بن جحادہ سے صرف حسن بن ابی جعفر نے روایت کیا ہے، اور حسن سے صرف ابوجابر نے روایت کیا ہے، اور اسے روایت کرنے میں ابوحاتم سجستانی منفرد ہیں۔“ [المعجم الأوسط/باب الميم/حدیث: 5999]