ام المومنین سیدہ عائشہ رضی اللہ عنہا بیان کرتی ہیں: ”سیدنا عثمان رضی اللہ عنہ نبی کریم صلی اللہ علیہ وسلم کے پاس آئے اور دیر تک آپ صلی اللہ علیہ وسلم سے سرگوشی میں گفتگو کرتے رہے، اور میں ان دونوں سے کچھ فاصلے پر تھی۔ پھر اچانک میں نے دیکھا کہ سیدنا عثمان رضی اللہ عنہ گھٹنوں کے بل بیٹھے ہوئے کہہ رہے تھے: ”اے اللہ کے رسول! کیا ظلم و زیادتی کے ساتھ (ایسا ہوگا)؟“ تو میں نے گمان کیا کہ آپ صلی اللہ علیہ وسلم نے انہیں ان کے قتل کی خبر دی ہے۔“
امام طبرانی رحمہ اللہ فرماتے ہیں: ”اس حدیث کو ابوسعید مؤدب محمد بن مسلم بن ابی وضاح کے سوا کسی نے روایت نہیں کیا، اور اسے روایت کرنے میں منصور بن ابی مزاحم منفرد ہیں۔“ [المعجم الأوسط/باب الميم/حدیث: 6003]