سیدنا عمرو بن تغلب رضی اللہ عنہ، جو جواثی کے رہنے والے اور قبیلہ عبد القیس سے تھے، وہی ہیں جن سے اللہ کے نبی صلی اللہ علیہ وسلم نے فرمایا تھا: ”میں کسی کو دیتا ہوں اور کسی کو نہیں دیتا، (جسے نہیں دیتا) اسے اس کے دل میں موجود (ایمان و یقین) کے سپرد کر دیتا ہوں، انھی میں سے ابن تغلب بھی ہیں۔“
انھوں نے بیان کیا کہ نبی کریم صلی اللہ علیہ وسلم نے فرمایا: ”قیامت سے پہلے تم ایسی قوم سے جنگ کرو گے جو بالوں کی جوتیاں پہنتی ہے، اور دوسرے لوگوں سے بھی (لڑو گے) جن کے چہرے گویا تہ بہ تہ ڈھالوں جیسے (چوڑے اور گول) ہوں گے۔“
امام طبرانی رحمہ اللہ فرماتے ہیں: ”اس حدیث کو ابو حمزہ عطار سے محمد بن عباد کے سوا کسی نے روایت نہیں کیا، اور اس میں نصر بن علی منفرد ہیں۔“ [المعجم الأوسط/باب الميم/حدیث: 6010]