سیدنا عمرو بن العاص رضی اللہ عنہ سے روایت ہے کہ انہوں نے فرمایا: ”ہمارا یہ گمان نہیں تھا کہ رسول اللہ صلی اللہ علیہ وسلم جس روز وفات پائے، آپ صلی اللہ علیہ وسلم کسی شخص سے محبت فرماتے ہوں اور پھر اللہ تعالیٰ اسے آگ میں داخل کر دے۔“ ان سے عرض کیا گیا: ”آپ صلی اللہ علیہ وسلم تو آپ کو بھی عامل مقرر فرماتے تھے؟“ انہوں نے فرمایا: ”اللہ بہتر جانتا ہے، لیکن وہ ایک شخص سے (ضرور) محبت فرماتے تھے۔“ لوگوں نے پوچھا: ”وہ کون ہے؟“ انہوں نے فرمایا: ”وہ سیدنا عمار بن یاسر رضی اللہ عنہ سے محبت فرماتے تھے۔“
امام طبرانی رحمہ اللہ فرماتے ہیں: ”اس حدیث کو ابن عون رحمہ اللہ سے صرف ازہر رحمہ اللہ نے روایت کیا ہے اور اس کی روایت میں عباد رحمہ اللہ منفرد ہیں۔“ [المعجم الأوسط/باب الألف/حدیث: 611]