سیدنا عمر بن خطاب رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”رمضان میں اللہ کا ذکر کرنے والے کی مغفرت کر دی جاتی ہے، اور اس مہینے میں اللہ سے مانگنے والا نامراد نہیں رہتا۔“
امام طبرانی رحمہ اللہ فرماتے ہیں: ”اس حدیث کو علی بن زید سے صرف ہلال بن عبدالرحمن نے روایت کیا ہے، اور اس میں عبدالرحمن بن قیس منفرد ہیں، اور سیدنا عمر رضی اللہ عنہ سے یہ حدیث صرف اسی سند سے مروی ہے۔“ [المعجم الأوسط/باب الميم/حدیث: 6170]