سیدنا ابو جحیفہ رضی اللہ عنہ سے روایت ہے کہ میں اپنے چچا کے ساتھ نبی صلی اللہ علیہ وسلم کی خدمت میں حاضر تھا اور آپ صلی اللہ علیہ وسلم خطبہ دے رہے تھے، آپ صلی اللہ علیہ وسلم نے فرمایا: ”میری امت کا معاملہ اس وقت تک درست رہے گا جب تک بارہ خلیفہ نہ گزر جائیں“ اور اس بات پر آپ صلی اللہ علیہ وسلم نے اپنی آواز پست کر لی۔ میں نے اپنے چچا سے، جو میرے آگے تھے، پوچھا: چچا جان! آپ صلی اللہ علیہ وسلم نے کیا فرمایا؟ انہوں نے کہا: ”وہ سب کے سب قریش سے ہوں گے۔“
امام طبرانی رحمہ اللہ فرماتے ہیں: ”اس حدیث کو عون بن ابی جحیفہ سے صرف یونس بن ابی یعفور نے روایت کیا ہے، اور ابو جحیفہ رضی اللہ عنہ سے یہ صرف اسی سند کے ساتھ مروی ہے۔“ [المعجم الأوسط/باب الميم/حدیث: 6211]