سیدنا انس بن مالک رضی اللہ عنہ سے روایت ہے کہ ”رسول اللہ صلی اللہ علیہ وسلم مسجد کی تعمیر فرما رہے تھے اور سیدنا عمار بن یاسر رضی اللہ عنہ دو دو چٹانیں اٹھا رہے تھے، تو آپ صلی اللہ علیہ وسلم نے فرمایا: ”ابنِ سمیہ پر افسوس! اسے ایک باغی گروہ قتل کرے گا۔““
امام طبرانی رحمہ اللہ فرماتے ہیں: ”اس حدیث کو حماد بن سلمہ رحمہ اللہ سے صرف ابو سعید مولیٰ بنی ہاشم رحمہ اللہ نے روایت کیا ہے، اور اس کی روایت میں احمد بن عمر الرازی رحمہ اللہ منفرد ہیں۔“ [المعجم الأوسط/باب الميم/حدیث: 6315]