سیدنا کعب بن مالک رضی اللہ عنہ سے روایت ہے کہ انہوں نے فرمایا: ”رسول اللہ صلی اللہ علیہ وسلم نے رمضان میں منبر پر قیام فرمایا اور لوگوں کو خطبہ دیا، پس آپ صلی اللہ علیہ وسلم نے ارشاد فرمایا: ”میں اس منبر پر اس حال میں کھڑا ہوا ہوں کہ میں لیلۃ القدر (کے وقت) کو جانتا ہوں، پس تم اسے آخری عشرے کی طاق راتوں میں تلاش کرو۔““
امام طبرانی رحمہ اللہ فرماتے ہیں: ”یہ حدیث سیدنا کعب بن مالک رضی اللہ عنہ سے صرف اسی سند کے ساتھ مروی ہے، اور سلیمان بن بلال رحمہ اللہ اسے نقل کرنے میں منفرد ہیں۔“ [المعجم الأوسط/باب الميم/حدیث: 6345]