محمد بن عمرو بن حزم رحمہ اللہ بیان کرتے ہیں: ”میں سیدنا ابوہریرہ رضی اللہ عنہ کی عیادت کے لیے حاضر ہوا جب وہ اس مرض میں مبتلا تھے جس میں ان کا انتقال ہوا، تو میں نے انہیں فرماتے ہوئے سنا: ”جب میری وفات ہو جائے تو مجھے قمیص نہ پہنانا، کیونکہ میں نے رسول اللہ صلی اللہ علیہ وسلم کو دیکھا ہے کہ آپ صلی اللہ علیہ وسلم کو (کفن میں) نہ قمیص پہنائی گئی تھی اور نہ ہی عمامہ پہنایا گیا تھا۔““
امام طبرانی رحمہ اللہ فرماتے ہیں: ”اس حدیث کو محمد بن عمرو بن حزم رحمہ اللہ سے صرف ابو الغصن رحمہ اللہ نے روایت کیا ہے، اور اسے نقل کرنے میں خالد بن یزید رحمہ اللہ منفرد ہیں۔“ [المعجم الأوسط/باب الميم/حدیث: 6351]