سیدنا جابر رضی اللہ عنہما سے روایت ہے کہ انہوں نے فرمایا: ”نبی اکرم صلی اللہ علیہ وسلم نے ایک دیہاتی سے — میرا خیال ہے کہ انہوں نے فرمایا: اس کا تعلق بنی عامر بن صعصعہ سے تھا — «قَرَظ» (چمڑا رنگنے والے پتوں) یا «خَبَط» (درخت کے جھڑے ہوئے پتوں) کا ایک بوجھ خریدا؛ پھر جب سودا پکا ہو گیا تو نبی اکرم صلی اللہ علیہ وسلم نے فرمایا: «اخْتَرْ» ”(سودا برقرار رکھنے یا ختم کرنے کا) اختیار کر لو۔“ اس دیہاتی نے کہا: میں نے آج کے دن جیسا معاملہ کبھی نہیں دیکھا، اللہ آپ کی عمر دراز کرے، آپ کس قبیلے سے ہیں؟ آپ صلی اللہ علیہ وسلم نے فرمایا: «مِنْ قُرَيْشٍ» ”میں قریش سے ہوں۔““
امام طبرانی رحمہ اللہ فرماتے ہیں: ”اس حدیث کو ابن جریج رحمہ اللہ سے صرف یحییٰ بن ایوب رحمہ اللہ نے روایت کیا ہے، اور یحییٰ بن ایوب رحمہ اللہ سے اسے صرف لیث بن سعد رحمہ اللہ اور موسیٰ بن اعین رحمہ اللہ نے روایت کیا ہے۔“ [المعجم الأوسط/باب الميم/حدیث: 6388]