القاسم بن محمد رحمہ اللہ سے روایت ہے کہ ام المومنین سیدہ عائشہ رضی اللہ عنہا نے فرمایا: ”لوگوں نے جمعہ کے دن غسل (کے حکم) کے بارے میں بہت باتیں کیں، حالانکہ اس کی ابتدا تو میرے گھر میں ہوئی تھی؛ (واقعہ یہ ہے کہ) مدینہ کے بالائی علاقے (عالیہ) کے کچھ لوگ ایک سخت گرم دن میں رسول اللہ صلی اللہ علیہ وسلم کی خدمت میں حاضر ہوئے، وہ اپنے کھجور کے باغات میں کام کر کے آئے تھے اور انہوں نے اونی لباس پہن رکھا تھا، جب وہ داخل ہوئے تو ان سے ناگوار بو آ رہی تھی، تو رسول اللہ صلی اللہ علیہ وسلم نے ارشاد فرمایا: ”جب یہ دن ہو تو غسل کر لیا کرو۔“
امام طبرانی رحمہ اللہ فرماتے ہیں: ”اس حدیث کو قاسم بن محمد سے صرف عمرو بن یحییٰ نے، عمرو سے صرف اسماعیل بن رافع نے، اور اسماعیل سے صرف فضل بن علاء نے روایت کیا ہے؛ اس کی روایت میں محمد بن ہشام سدوسی منفرد ہیں۔“ [المعجم الأوسط/باب الميم/حدیث: 6551]