سیدنا عبداللہ رضی اللہ عنہ سے روایت ہے کہ ”نبی کریم صلی اللہ علیہ وسلم جمعہ کے دن نمازِ فجر میں ﴿ الم تَنْزِيلُ ﴾ السجدہ اور ﴿ هَلْ أَتَى عَلَى الْإِنْسَانِ ﴾ تلاوت فرمایا کرتے تھے۔“
امام طبرانی رحمہ اللہ فرماتے ہیں: ”اس حدیث کو عمرو بن قیس رحمہ اللہ سے صرف ثور بن یزید رحمہ اللہ نے روایت کیا ہے، اور ثور رحمہ اللہ سے اسے صرف ولید رحمہ اللہ نے روایت کیا ہے، جبکہ دحیم رحمہ اللہ اس کی روایت میں منفرد ہیں۔“ [المعجم الأوسط/باب الميم/حدیث: 6659]