سیدنا معاذ بن جبل رضی اللہ عنہ سے روایت ہے کہ انہوں نے فرمایا: رسول اللہ صلی اللہ علیہ وسلم نے فرمایا: ”اللہ اس بندے کو شاداب و تروتازہ رکھے جس نے میری بات سنی، پھر اس میں (اپنی طرف سے) کوئی اضافہ نہ کیا؛ کیونکہ بسا اوقات بات کو پہنچانے والا اسے اپنے سے زیادہ یاد رکھنے اور سمجھنے والے تک پہنچا دیتا ہے۔ تین چیزیں ایسی ہیں جن کی موجودگی میں کسی مومن کا دل کینہ اور خیانت نہیں کرتا: اللہ کے لیے اخلاصِ عمل، حکمرانوں کی خیر خواہی، اور مسلمانوں کی جماعت کے ساتھ وابستہ رہنا؛ کیونکہ ان کی دعا ان کے پیچھے سے ان کا احاطہ کیے ہوتی ہے (یعنی انہیں گمراہی سے بچاتی ہے)۔“
امام طبرانی رحمہ اللہ فرماتے ہیں: ”یہ حدیث سیدنا معاذ بن جبل رضی اللہ عنہ سے صرف اسی سند کے ساتھ مروی ہے، اور اسے روایت کرنے میں عمرو بن واقد رحمہ اللہ منفرد ہیں۔“ [المعجم الأوسط/باب الميم/حدیث: 6781]