سیدنا عبداللہ بن عمر رضی اللہ عنہما رسول اللہ صلی اللہ علیہ وسلم سے روایت کرتے ہیں کہ ”آپ صلی اللہ علیہ وسلم جب زکوٰۃ وصول کرنے والے عاملین کو بھیجتے تو انہیں حکم دیتے کہ وہ جو صدقات وصول کریں، انہیں انہی لوگوں کے رشتہ داروں پر صرف کریں جن سے وہ لیے گئے ہیں، جو قرابت میں سب سے زیادہ قریب ہو اسے پہلے دیں، پھر اس کے بعد والے کو؛ اگر اس کا کوئی (مستحق) رشتہ دار نہ ہو تو اس کے قبیلے والوں کو دیں، پھر پڑوسیوں اور دیگر ضرورت مندوں کو دیں۔“
امام طبرانی رحمہ اللہ فرماتے ہیں: ”اس حدیث کو امام زہری رحمہ اللہ سے صرف عثمان بن عبدالرحمن وقاصی نے روایت کیا ہے، اور عثمان سے اسے صرف عیسیٰ بن عبداللہ نے نقل کیا ہے، جبکہ محمد بن شعیب اس کی روایت میں منفرد ہیں۔“ [المعجم الأوسط/باب الميم/حدیث: 6805]