سیدنا عابس غفاری رضی اللہ عنہ سے روایت ہے کہ میں نے رسول اللہ صلی اللہ علیہ وسلم کو یہ فرماتے ہوئے سنا: ”آپ صلی اللہ علیہ وسلم اپنی امت پر چھ خصلتوں کا اندیشہ فرماتے تھے: ناسمجھ نوجوانوں کی حکمرانی، پولیس والوں کی کثرت، فیصلوں میں رشوت ستانی، قطع رحمی، خونِ ناحق کو معمولی سمجھنا، اور ایسی نئی نسل کا پیدا ہونا جو قرآن کو راگ و موسیقی کا ذریعہ بنا لیں گے، وہ (امامت کے لیے) ایسے شخص کو آگے کریں گے جو ان میں سب سے بڑھ کر فقیہ، عالم یا افضل نہیں ہوگا، بلکہ وہ محض اس لیے آگے کیا جائے گا کہ وہ انہیں گانے کے انداز میں (قرآن) سنائے۔“
امام طبرانی رحمہ اللہ فرماتے ہیں: ”اس حدیث کو موسیٰ رحمہ اللہ سے صرف عیسیٰ رحمہ اللہ نے روایت کیا ہے۔“ [المعجم الأوسط/باب الألف/حدیث: 685]