سیدہ ربیع بنت معوذ بن عفراء رضی اللہ عنہا خبر دیتی ہیں کہ سیدنا ثابت بن قیس بن شماس رضی اللہ عنہ نے اپنی زوجہ کو مارا جس سے ان کا ہاتھ ٹوٹ گیا، اور وہ سیدہ جمیلہ بنت عبد اللہ بن ابی بن سلول رضی اللہ عنہا تھیں۔
ان کے بھائی رسول اللہ صلی اللہ علیہ وسلم کی خدمت میں شکایت لے کر حاضر ہوئے، تو رسول اللہ صلی اللہ علیہ وسلم نے سیدنا ثابت بن قیس رضی اللہ عنہ کو بلا بھیجا اور فرمایا: ”جو مال (بطورِ مہر) تمہارا ان کے پاس ہے وہ لے لو اور انہیں چھوڑ دو۔“ انہوں نے عرض کیا: ”جی ہاں۔“ پھر رسول اللہ صلی اللہ علیہ وسلم نے انہیں حکم دیا کہ وہ ایک حیض تک عدت گزاریں اور اپنے گھر والوں سے جا ملیں۔ [المعجم الأوسط/باب الميم/حدیث: 6963]