سیدنا عقبہ بن عمرو ابومسعود رضی اللہ عنہ سے روایت ہے کہ انہوں نے فرمایا: ”رسول اللہ صلی اللہ علیہ وسلم رات کے ابتدائی حصے میں، اس کے وسط میں اور اس کے آخری حصے میں وتر ادا فرمایا کرتے تھے، تاکہ مسلمان آپ صلی اللہ علیہ وسلم کی سنت کی پیروی کریں؛ چنانچہ ان (اوقات) میں سے جس پر بھی عمل کیا جائے وہ درست ہوگا، ان شاء اللہ۔“
اس حدیث کو زیاد بن ابی مریم سے صرف عبدالکریم نے روایت کیا ہے، جبکہ اسے بیان کرنے میں سلیمان بن ابی داؤد منفرد ہیں۔ [المعجم الأوسط/باب الميم/حدیث: 6989]