سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم کی جب کسی صاحبزادی کے لیے نکاح کا پیغام آتا تو آپ صلی اللہ علیہ وسلم پردے کے پاس تشریف لاتے اور فرماتے: ”فلاں شخص پیغامِ نکاح دے رہا ہے“۔ پس اگر وہ خاموش رہتیں تو ان کی خاموشی ہی ان کی رضا مندی سمجھی جاتی تھی، اور اگر وہ (اس رشتے کو) ناپسند کرتیں تو پردے میں (اندر کی جانب سے) ہاتھ مارتیں، تو یہ عمل ان کی طرف سے ناپسندیدگی کا اظہار ہوتا تھا۔
اس حدیث کو ثابت رحمہ اللہ سے صرف عبدالعزیز بن حصین رحمہ اللہ نے روایت کیا ہے، جبکہ اس کی روایت میں عثمان بن عبدالرحمن رحمہ اللہ منفرد ہیں۔ [المعجم الأوسط/باب الميم/حدیث: 7113]