سیدنا البراء بن عازب رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”سود کے بہتر دروازے ہیں، ان میں سے ادنیٰ درجہ ایسا ہے جیسے کوئی شخص اپنی ماں کے ساتھ بدکاری کرے، اور بدترین سود کسی شخص کا اپنے (مسلمان) بھائی کی عزت و آبرو پر ناحق زبان درازی کرنا ہے۔“
امام طبرانی رحمہ اللہ فرماتے ہیں: ”اس حدیث کو یحییٰ بن ابی کثیر رحمہ اللہ سے صرف عمر بن راشد رحمہ اللہ نے روایت کیا ہے، اور عمر بن راشد رحمہ اللہ سے اسے صرف معاویہ بن ہشام رحمہ اللہ نے روایت کیا ہے، نیز سیدنا البراء بن عازب رضی اللہ عنہ سے یہ روایت صرف اسی سند کے ساتھ مروی ہے۔“ [المعجم الأوسط/باب الميم/حدیث: 7151]