سیدنا عبداللہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”تم (دانتوں میں) خلال کیا کرو، کیونکہ یہ صفائی کا باعث ہے، اور صفائی ایمان کی طرف بلاتی ہے، اور ایمان اپنے صاحب کے ساتھ جنت میں ہو گا۔“
اس حدیث کو مغیرہ رحمہ اللہ سے صرف شریک رحمہ اللہ نے، اور شریک رحمہ اللہ سے صرف ابراہیم بن حیان رحمہ اللہ نے روایت کیا ہے، جبکہ نضر بن ہشام رحمہ اللہ اس کی روایت میں منفرد ہیں۔ [المعجم الأوسط/باب الميم/حدیث: 7311]