سیدنا انس بن مالک رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”یہ ابنِ آدم ہے“، اور آپ صلی اللہ علیہ وسلم نے اپنا ہاتھ مبارک اپنی ٹھوڑی کے نیچے رکھا، پھر اپنے ہاتھ کو (آگے کی جانب) پھیلایا اور فرمایا: ”یہ اس کی امیدیں ہیں۔“
اس حدیث کو سفیان رحمہ اللہ سے صرف مصعب بن ماہان رحمہ اللہ نے روایت کیا ہے، اور مصعب رحمہ اللہ سے صرف عمرو بن ابی سلمہ رحمہ اللہ نے، جبکہ احمد بن عیسیٰ رحمہ اللہ اسے بیان کرنے میں منفرد ہیں۔ [المعجم الأوسط/باب الألف/حدیث: 735]