ام المومنین سیدہ ام سلمہ رضی اللہ عنہا سے روایت ہے کہ نبی صلی اللہ علیہ وسلم کی موجودگی میں بدشگونی کا تذکرہ کیا گیا، تو لوگوں نے عرض کیا: ”(بدشگونی) گھر، عورت اور جانور میں ہوتی ہے“، اس پر نبی صلی اللہ علیہ وسلم نے فرمایا: ”اگر اس (بدشگونی) میں سے کوئی چیز (حقیقت رکھتی) ہے تو وہ نیک فال میں ہے۔“
امام طبرانی رحمہ اللہ فرماتے ہیں: ”اس حدیث کو ابو اسحاق رحمہ اللہ سے صرف یونس رحمہ اللہ نے، اور یونس رحمہ اللہ سے صرف ابو قتیبہ رحمہ اللہ نے روایت کیا ہے؛ محمد بن خالد بن خداش رحمہ اللہ اسے روایت کرنے میں منفرد ہیں۔“ [المعجم الأوسط/باب الميم/حدیث: 7368]