سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم کھڑے ہوئے اور ایسی دعا فرمائی کہ لوگوں نے اس جیسی دعا کبھی نہ سنی تھی، اور ایسی پناہ طلب فرمائی کہ لوگوں نے اس جیسی پناہ کبھی نہ سنی تھی۔ پس کچھ لوگوں نے آپ صلی اللہ علیہ وسلم سے عرض کی: ”اے اللہ کے رسول! ہمارے لیے یہ کیسے ممکن ہے کہ ہم ویسی ہی دعا مانگیں جیسی آپ نے مانگی اور ویسی ہی پناہ چاہیں جیسی آپ نے چاہی؟“ تو آپ صلی اللہ علیہ وسلم نے فرمایا: ”تم کہو: «‏‏‏‏اللَّهُمَّ إِنَّا نَسْأَلُكَ مِمَّا سَأَلَكَ مُحَمَّدٌ عَبْدُكَ وَرَسُولُكَ، وَنَسْتَعِيذُ مِمَّا اسْتَعَاذَ مِنْهُ مُحَمَّدٌ عَبْدُكَ وَرَسُولُكَ» ‏‏‏‏ ”اے اللہ! ہم تجھ سے اس خیر کا سوال کرتے ہیں جس کا سوال تیرے بندے اور رسول محمد صلی اللہ علیہ وسلم نے کیا، اور ہم اس چیز سے تیری پناہ چاہتے ہیں جس سے تیرے بندے اور رسول محمد صلی اللہ علیہ وسلم نے پناہ چاہی۔““
اس حدیث کو عطا بن یسار رحمہ اللہ سے صرف محمد بن منکدر رحمہ اللہ نے روایت کیا ہے، اور ابن منکدر رحمہ اللہ سے صرف محمد بن عبدالرحمن بن مجبر رحمہ اللہ نے، جبکہ یزید بن ہارون رحمہ اللہ اس کی روایت میں منفرد ہیں۔ [المعجم الأوسط/باب الميم/حدیث: 7386]