قابوس بن ابی ظبیان رحمہ اللہ اپنے والد سے روایت کرتے ہیں کہ انہوں نے ام المومنین سیدہ عائشہ رضی اللہ عنہا کی طرف پیغام بھیجا اور ان سے رسول اللہ صلی اللہ علیہ وسلم کی نماز کے متعلق دریافت کیا؟ تو انہوں نے فرمایا: ”آپ صلی اللہ علیہ وسلم (نفل) نماز پڑھتے بھی تھے اور چھوڑ بھی دیتے تھے، لیکن میں نے آپ صلی اللہ علیہ وسلم کو کبھی فجر کی نماز سے پہلے کی دو رکعتوں کو چھوڑتے ہوئے نہیں دیکھا، نہ سفر میں اور نہ حضر میں، اور نہ حالتِ صحت میں اور نہ بیماری میں۔“
اس حدیث کو ہدبہ بن منہال سے صرف ابو ہمام رحمہ اللہ نے روایت کیا ہے۔ [المعجم الأوسط/باب الميم/حدیث: 7457]