طاؤس رحمہ اللہ بیان کرتے ہیں کہ میں نے سیدنا ابودرداء رضی اللہ عنہ کو فرماتے ہوئے سنا، وہ کہتے ہیں کہ میں نے رسول اللہ صلی اللہ علیہ وسلم کو یہ فرماتے ہوئے سنا: ”بے شک اللہ تعالیٰ نے کچھ فرائض لازم کیے ہیں، پس تم انہیں ضائع نہ کرو؛ اور کچھ حدود مقرر کی ہیں، پس ان سے تجاوز نہ کرو؛ اور اس نے بہت سی چیزوں کے بارے میں بغیر کسی بھول چوک کے خاموشی اختیار فرمائی ہے، پس تم (ان کی بابت) تکلف میں نہ پڑو، یہ اللہ کی طرف سے رحمت ہے، لہٰذا اسے قبول کرو۔“
اس حدیث کو قرہ بن خالد سے صرف اصرم بن حوشب نے روایت کیا ہے، اور ان سے روایت کرنے میں ابو الاشعث منفرد ہیں۔ [المعجم الأوسط/باب الميم/حدیث: 7461]