سیدنا کعب بن مالک رضی اللہ عنہ بیان کرتے ہیں: ”ایک لونڈی میری بکریاں چرایا کرتی تھی، ایک بار بھیڑیا ایک بکری کھا گیا تو میں نے لونڈی کے چہرے پر تھپڑ مار دیا، پھر مجھے ندامت ہوئی تو میں رسول اللہ صلی اللہ علیہ وسلم کے پاس آیا اور عرض کیا: اے اللہ کے رسول! اگر مجھے معلوم ہو کہ وہ مومنہ ہے تو میں اسے آزاد کر دوں۔“ رسول اللہ صلی اللہ علیہ وسلم نے (لونڈی سے) فرمایا: ”میں کون ہوں؟“ اس نے کہا: ”اللہ کے رسول ہیں۔“ آپ صلی اللہ علیہ وسلم نے پوچھا: ”اور اللہ کون ہے؟“ اس نے کہا: ”وہ جو آسمان میں ہے۔“ تب رسول اللہ صلی اللہ علیہ وسلم نے فرمایا: ”اسے آزاد کر دو، یہ مومنہ ہے۔“
امام طبرانی رحمہ اللہ فرماتے ہیں: ”اس حدیث کو ابن عجلان سے حاتم کے سوا کسی نے روایت نہیں کیا، اور حاتم سے داود جعفری کے سوا کسی نے روایت نہیں کیا، اور سیدنا کعب بن مالک رضی اللہ عنہ سے یہ حدیث صرف اسی سند سے مروی ہے۔“ [المعجم الأوسط/باب الميم/حدیث: 7561]