سیدنا عبداللہ بن مسعود رضی اللہ عنہ، رسول اللہ صلی اللہ علیہ وسلم سے روایت کرتے ہیں کہ آپ صلی اللہ علیہ وسلم نے فرمایا: ”مقتول اپنے قاتل کو پکڑے ہوئے خدائے ذوالعزت کے حضور آئے گا، اس حال میں کہ اس کی شہ رگوں سے خون کے فوارے چھوٹ رہے ہوں گے، پس وہ عرض کرے گا: اے میرے رب! اس سے پوچھیے کہ اس نے مجھے کیوں قتل کیا؟ اللہ تعالیٰ فرمائے گا: تو نے اسے کیوں قتل کیا؟ وہ عرض کرے گا: میں نے اسے اس لیے قتل کیا تاکہ عزت (و غلبہ) فلاں شخص کے لیے ہو جائے۔ کہا جائے گا: عزت تو اللہ ہی کے لیے ہے۔“
عاصم رحمہ اللہ سے اس روایت کو صرف اہل بصرہ کے عکرمہ بن عبداللہ البنانی رحمہ اللہ نے نقل کیا ہے، اور اس کی روایت میں فیض بن وثیق الثقفی رحمہ اللہ منفرد ہیں۔ [المعجم الأوسط/باب الألف/حدیث: 766]