سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”تم میں مجھے سب سے زیادہ محبوب وہ لوگ ہیں جو اخلاق میں سب سے اچھے ہیں، جو نرم خو اور خوش مزاج ہیں، جو دوسروں سے الفت رکھتے ہیں اور دوسرے ان سے الفت رکھتے ہیں۔ اور اللہ کے نزدیک تم میں سب سے ناپسندیدہ وہ لوگ ہیں جو چغلی کھاتے پھرتے ہیں، دوستوں اور پیاروں کے درمیان جدائی ڈالتے ہیں اور بے گناہ لوگوں کے لیے مشقت اور عیب تلاش کرتے ہیں۔“
امام طبرانی رحمہ اللہ فرماتے ہیں: ”اس حدیث کو جریری سے صالح المری کے سوا کسی نے روایت نہیں کیا۔“ [المعجم الأوسط/باب الميم/حدیث: 7697]